颱風與週末

近來，颱風與週末好像掛了勾，總是週末才來興風，這個星期便影響了我到海灘玩的機會。

難得媽媽這個星期六放假，希希哥哥一家建議到黃金海灘玩，誰知就來了個風球......由於要等爸爸放工，於是下午三時才能出發，那時是三號風球，但天色只是比較陰暗，一直未有下雨。但當去巴士站時，雨便下起來了，起初還是微微的。巴士經過深井後，便變得橫風橫雨一陣，但時而雨勢又停下來。迎面方向來的希希哥哥情報，從屯門那邊出來的情況還是未有下雨，便心想可以玩得一陣得一陣。誰知巴士靠站的一刻是停了雨的，可惜兩家相聚不消片刻，大雨便來了！最後還是打消到海灘的念頭，去了希希哥哥家中玩耍。

吃晚飯前後，還和希希哥哥一起到xx樂園玩多拉A夢，食飯時又大家一起畫畫畫......盡興過來，外面竟然是沒有雨的，在希希哥哥陪同下第一次乘搭了輕鐵，再轉西鐵回家去。

昨夜九號風球，對於我當然不知為何物，10點幾都訓了，早上9時許起來，有多大風也與我無干。起床後食食食，玩玩玩，由於颱風都走了，訓個晏覺又係時候去playgroup了。

不知是叉夠電還是甚麼，今日下午特別醒神活潑。和爸爸出門時已經整鬼造怪，扮爸爸打嚏嚏(溍爸：係咪未免浮誇左d，有點醜化喎o下？！)。返到playgroup，從來未有如此興趣投入，平常是觀察很久才投入的，通常投得來都夠鐘了。可今天興奮到極點，玩彩虹傘玩得不亦樂乎，又開心到跳起，最後仲玩到訓地(唔係攰)，而係見人訓我又訓o者！

如此這般，又度過了一個週末了！颱風，咩黎架？

鸚鵡學舌 - fing頭版

~ 請開啟喇叭收聽內容 ~

有型？~~~穿崩喇！

唔使講，一睇就知喇！

特別鳴謝：大姨送的bowtie bib

居高臨下

今日訓醒晏覺，約左盈禧玩。她先過來我這裡的會所tea，然後就到我到她家參觀。她本來住在我家隔離的屋苑，最近剛搬左去隔多幾隔的新屋住，於是去了參觀參觀。

去到兒童遊玩室，超多大大隻的公仔，有octopus、fish、turtle，仲有遊戲機，行入submarine入面，仲有兒童gym添。再參觀埋49樓會所，超靚；45樓空中花園，在3號風球之下居高臨下企係開闊的45樓，剛好那一刻陽光普照，很身心舒泰(唔係旅行社x泰喎)；而住客會所果d豪華設施，亦高檔得很，絕對令人O咀。當然，主人家盈禧的家也很正，中上環海景，厲害！

講完一輪環境，當然唔少得講返d飲飲食食。我地係會所分享左一件芝士蛋糕，一人半份，用叉叉食。之後去到盈禧屋企又飲左成枝益力多，仲導埋盈禧飲左佢人生第一次自己用飲管飲哂的益力多，睇見佢不知飲得幾滋味，而我呢，老手黎，幾啖就飲哂喇！哈哈~~

變身！556登場！

今日媽媽訂了的奶粉和一些如濕紙巾、餅等等速遞到來，拆了其中一個紙盒，溍溍竟玩得愛不釋手，例如踎係度玩......

當隧道爬黎玩......

當火車咁玩......

玩法多到好似keroro軍曹入面個宇宙偵探556玩櫃一樣！哈哈~~

驚嚇車厘子

話說今日溍溍食車厘子，食到咁o既樣...... 你話驚唔驚？哈哈哈......

新playgroup

自從斷了幼潛的纜後，平日我返屋企附近商場內的playgroup，第一期也差不多完成了。今天爸媽帶了我去一個新的playgroup，在星期日下午進行，地點在山林道。

出門後先在港鐵站買了爸爸想要的大雄電筒連紀念票。到下午3點幾都仲有得賣，爸爸後來說也心想過quality又幾好，不過又按奈不住買了，除了給我在車上玩了一玩，現在已放到家中的「神檯」上了。

去到新地方，我例牌會慢熱要睇定d。不過今日都算好快投入，又玩波波、又跳舞、又爬入屋仔，臨走仲玩到係度爬來爬去(唔係行喎)唔多願走添。

之後去左葵芳和民晚飯，但可能味道不太合適，作反多過食，連用筷子都無噚日食得咁多。