唔識世界之一

據說有一句俗語叫「細路仔唔識世界」，究竟我認識的世界又係點呢？

我在媽媽的子宮內共住了270天，係頭幾個月的時候，曾經好危險，因為媽媽流血，照到有血塊係我住緊個單位隔離，雖然未致於變成危樓，但攪到媽媽好擔心，立即睇醫生同休息。

好在後來安定下來，我亦一日一日長大。有時可能我撐下撐下腳仔，攪到媽媽嘔嘔，又或者因為有我係度，媽媽變成食甜o野又嘔嘔。唯獨媽媽飲凍檸茶又無咩o野，幾舒服。

係呢2百幾日內，我媽媽除了見到我爸爸外，見得最多就係楊醫生同蘇醫師，仲有我婆婆、雷姨姨和麗姨姨。每次見楊醫生佢都會用超聲波同我影靚相同檢查，影左好多張相，但因為有時我覺豬o左或擰轉o左身，所以只有3幾張係叫做睇到我個樣(隔離張相係我24週時影的)。蘇醫師就負責以中藥調理我媽媽身子；仲有婆婆隔幾日帶d餸菜同湯黎比我爸爸媽媽食，好等爸爸煮少一兩餐休息下；雷姨姨就常常陪我媽媽去睇醫生；麗姨姨就幫媽媽的假紙返公司請假。

多得咁多人o既愛鍚，果個血塊後來唔見o左，媽媽安心o左(唔係忽然安心，係立即安心)，我當然亦乖乖成長喇！

待續...