交通工具

話說我小凱溍第一樣接觸o既交通工具叫做的士，時間係我出世後48小時出院時坐的。之後坐得最多的，No.1暫時都係的士，因為對於新手爸爸媽媽黎講係最便捷的交通工具。

到了兩個幾月後，我又計下我坐過幾多交通工具先：

這個係我出世時仲叫做地下鐵，到我第一次坐時(2008年1月5號)，佢已經改名叫做港鐵了！地下鐵站都改了做"鐵路站"，比爸媽黎講，真係幾大改變，對我就唔係咁大了。

由於要去沙田"女麻女麻"屋企，我又坐了港鐵東鐵線。爸爸說從前這叫做火車，而家同港鐵一樣無分別。

年初四去完細姨婆度，那裡叫做西環，暫時仲未有港鐵，於是爸媽帶了我第一趟坐巴士，事關904號巴士返屋企好方便。

另外有一種交通工具暫時我只遠觀過，就係係香港島才行走的電車，爸爸話第二日會帶我去坐下，而家都係坐返係我架戰車度吧！