我是一隻大閘蟹

溍爸註：d口水泡多得像超市雪櫃內的大閘蟹嘔出來的泡....

今日是去健康院的4個月檢查，磅重度頭圍，今日除乾除淨上磅，我有6.52kg重，即係14.3lbs。之後見姑娘，姑娘用一個紅色的毛冷球好似人地玩催眠咁吸引我眼仔的注意，睇下我會唔會追蹤物件。之後又拎件小玩具貼我手手，睇下我會唔會去捉住佢。再之後係趴我係個墊上面，叫爸爸引下我，睇下我會唔會抬起頭。結果係.....全部合格，叻叻呢！下一次係6月13號去做6個月的檢查。

其實我除了做到上述的動作外，近幾日最叻叻o既係...流口水.....係呢個漫長的「佬化」過程入面，我開始流口水，咁下一階後就到出牙仔了，唔知要隔幾耐呢？