好多...好多...

4月中姑姐和李小b姐姐去了一趟北海道玩，回程當日雖然因為香港有颱風浣熊影響下令航班延誤，攪到半夜先可以返到香港，但當晚姑姐就帶來了好多好多手信比我同爸爸媽媽，例如有李小b姐姐話好抵價錢的退熱貼、青蛙、貓仔和海豹祙、仲有幾件好得意的bb衫和超滋潤的馬油添！至於爸爸媽媽就有吃的如六花亭朱古力、魷魚絲等等。

話說呢頭收到好多好多姑姐送來的手信，媽媽從jshoppers訂的第二批衫衫過了幾天又速遞到港。上一次媽媽訂的是3-6個月左右的衫，今次望要集中在6-12個月的。大家睇下，幾多....因為夏天將至，怕我出汗汗多嘛，所以多幾件替換囉！婆婆而家出街都成日掛住睇衫衫買比我呀，我要乖乖先得。