認「色」

今朝媽媽起身返工時，佢同爸爸講家下係紅雨。咦？咩雨水係紅色架咩？到七點半鐘爸爸起身時，同溍溍講：「家下黑雨喎，訓到八點先」。咦？咩雨水d顏色轉來轉去o既？唔通污糟糟？八點鐘爸爸起身，立即打比婆婆，因為原定今日婆婆過黎湊我，咁爸爸就返工，但因為「黑雨」，爸爸叫左婆婆慢慢食早餐，唔使過黎住。

十一點鐘，爸爸收到婆婆電話，而家又變成「紅雨」。於是爸爸立即係網上問rox姨姨，最後答案係「老細話兩個鐘內返到喎！」於是爸爸就立即飛身去洗奶樽(以防下晝返屋企時無奶樽用)，然後立即執行李同我出街，唔係，應該係同我返工先o岩！事關爸爸見得問得黎果個「最後答案」，返到去都係touch base就收得工，於是唔想勞煩到婆婆，就決定帶埋我返工。

點解平時我見d雲雲都無呢隻色o既？

非常幸運地，爸爸同我出門口時已經無雨，遮都未開過就去到爸爸公司，但見到中環一地都係泥，早些少時應該好水浸囉！返到公司，爸爸帶我同老闆和同事玩幾玩，咁我食埋奶奶，仲換埋有「金」的片片就同爸爸一齊收工囉！哈哈~~