話說星期日下午爸媽帶了溍溍去了尖沙咀逛街，第一次係陽光猛烈下出街街，卒之夜晚發燒，媽媽雖然給了我吃退燒藥，但成晚都訓得唔好，又食得唔好(爸媽都係當然訓得唔好喇！)最後媽媽請了一天假陪溍溍。早上先帶了溍溍去看兒科醫生，因今次係第一次病病(發燒之前試過一次，不過係打針後反應)，10點零去到診所，其實呢一刻溍溍已經無咩野，但為安全計都係睇醫生先。於是溍溍係比醫生同護士檢查時，認真係「睇」醫生，眼定定咁望住醫生。幾分鐘睇完，出黎盛惠$300。計起上來每枝藥都成$100，但因為已無燒無嘔，那企定定的$300藥水，仍是未開封的。
病前病後兩個樣...
3 則留言:
可能真係太曬啦，有少少燒係自然反應，溍溍應該冇事嘅～ｄ藥水就由得佢啦，睇醫生為買個安心姐，唔需要食仲好啦～不過呢，半歲後就開始好易病，可能佢活動範圍大左，大人又會帶佢周圍去，接觸細菌機會會多左啦，必經階段呢！
半歲bb開始要靠自己既免疫力, 所以要小心多d呀.特別係出入冷氣地方呀!
星期日真係超曬呀,我估應該只係曬親0者,無事就好啦~
發佈留言