9個月

上星期四，8月28日，我溍溍已經係9個月大了！到了今天，我亦已經足有40週大，比我係媽媽肚b入面的38週半還長呢！對上一個星期磅重，我有8.7kg重，但身高呢，因為我成日郁郁貢，爸媽都度唔到，所以暫時係秘密。
係我9個月大的那一天，爸爸請了半天假，和媽媽一起帶我去了中文大學，亦係溍溍目前挑戰香港境內的最北之地。去中大的目的，係爸媽幫我報了名做中大心理系認知發展實驗室的一個project的志願bb。 詳情：http://www.psy.cuhk.edu.hk/~cogdelab/chinese/home.html

初次踏足中大的校園，我們去了王福元樓的實驗室，去到就有兩個姐姐招呼我地。媽媽為了我專心點參與實驗，仲有少少失禮係姐姐地面前幫我換上乾爽的片片先。呢個實驗，當然唔係解剖羅茲威爾外星人那一些要訓係手術床果一款喇，係入一間有特別布置的房間，由媽媽抱住我，睇前面個姐姐o既一d動作，從而紀錄我o既反應。爸爸雖然無得入，但可以係房後的不反光玻璃睇到我，仲影左相相添！

第一個部份完成後，有15分鐘的休息時間，再做第二部份，再之後還有第三部份。由於有其他bb也約了今天，所以休息時間就係另一房間同bb玩。當中我識到3個靚女，可惜全部都比我大幾日，佢地又好鬼主動，有個仲......錫左我一啖添......到了第二部份，我和媽媽再入房間，可惜我突然喊起上黎，做了一半就停了。於是輪到我小休，姐姐話等陣我做埋第三部份，可惜，到最後我入到去又喊，於是實驗終止了！突然間，姐姐遞了50蚊比爸爸，話係車馬費來的，日後仲會寄埋個實驗報告和剛才實驗期間我o既錄影比我，爸爸事後話收車馬費收得唔好意思，事關唔能夠完成整個實驗喎！

之後同3個靚女玩多陣，我就坐上私家車同爸媽出去行下中大校園。下午4點幾，天氣不知幾炎熱，我在私家車入面訓著左，爸媽就邊推著我邊餵住蚊帶我去了本部，但由於我訓左，只有在猛烈陽光下，訓住係私家車中留下倩影。

之後，我地去左沙田新城市廣場的意粉屋食埋晚飯(我就食我d粥粥)，再搭的士返屋企。查實全日由鑽石山婆婆家出發，已經係搭的士了(因為我訓到好晏)，之後從中大去沙田，再由沙田返荔枝角，所以我果50蚊車馬費已用來補貼了那些的士費了！

以下就係果3個靚女喇！至於邊個錫左我，你地估下喇！