過程中......開頭還好的，但感覺實在.....太新鮮喇！我郁...我郁郁郁......
最後，只剪了前面已經拮眼的蔭而已，但即時的賣相再加上一個挖鼻look，實在太阿旺喇！
好在，溍爸：「先生要唔可gel唔gel返d野呀？」溍：「都好」....呀，整一整又幾好睇喎！
除左辦大事和剪髮外，今日爸媽仲專登包住張high chair，比我嘗試自己食，但包得住張high chair，包不住個地下。真係要我自己食，地下的應要比入口的多。
仲有一樣就係花洒浴，之前已輕輕試左一次，今次就洗好頭，洗好身就黎喇！嘩~~~ 爽！嘻嘻嘻，爸爸唔好喇，d水水射落黎好痕呀！嘻嘻嘻~~~
6 則留言:
亞旺頭極之亞旺噃．．好得意～
做乜一次過攪咁多新野呀？
俾希希哥哥同阡Ａ姐姐刺激到要一夜長大？呵呵！
雖然麻煩ｄ，不過俾佢試多ｄ係好事呢！橫掂污糟左都有人幫手抹，嘻嘻～
肯坐定定剪頭髮好乖喎~ 側邊好長個"執"無剪到咩??
張highchair笠左個套, 坐得舒唔舒服架? 而家我個張都好污漕...
Christine,
我都覺得溍溍而家個頭勁可愛~~
佢試左幾口之後就唔肯試, 真係激死, 唔知幾時好似阡A咁叻叻!
Roy,
我都估唔到佢肯坐定定, 至於側邊o個"執", 我地想等長d, 話晒都係佢既"胎毛", 我地想將來keep住做紀念呢!
萊，污糟就拆去洗下喇。再唔係，d利是錢反正都唔夠買一手工行，咪去買多個套囉！
真係幾好睇, gel起頭o個幅
打埋煲呔仔, 就係一個富家少爺仔款喇
姑姑梅，咁細個就無謂要舢舨充炮艇喇！做人要腳踏實地，食幾多著幾多整定的。
發佈留言