Cafe Mickey

2009年2月8日，我又再現身迪士尼站，我沒有買annual pass，亦不是玩得樂而忘返，而三個月前後第三次去到迪士尼站，都總有不同的目的地。第一次是1歲生日到樂園玩，第二次是聖誕去迪欣湖，今次第三次去了Hollywood Hotel食lunch buffet。
長長的餐枱，14個大人5個小朋友(14個月大到4歲不等)。大人中有9人是媽媽的暑期工朋友，說到暑假嘛，媽媽已經無左好多年，都無謂問佢地識左幾耐......食完buffet，一班小朋友叉過電，去到後面的花園已經興奮莫名。不知邊一個大人提出一班小朋友影返張合照，於是在泳池前我地比班大人圍到走埋一堆。難得佢地又敢向高難度挑戰，幾個相機咔嚓咔嚓，總算有一張半張叫做似樣d，但要個個都望鏡頭，no way啦！

合照完畢去了玩滑梯和行草地，你追我逐，個個小朋友都身水身汗，然後到冼姨姨話有得玩畫畫，於是又走回頭去剛才經過的地方。原來係有d哥哥比粉筆我地係地下畫畫畫，仲有米奇或pooh pooh的紙樣比我地畫外框，好新奇呢！

估唔到食個buffet再玩一玩，時間又到差唔到，已經4點幾，大家一係唔提，一提就記得攰了。我同希希哥哥率先進入夢鄉，而大人們剛珍惜機會，黎個大合照。事關佢地話，有d人好難約架！例如平叔叔咁，下次再約到佢，可能攪到謙謙哥哥結婚先約到，嘩，謙謙哥哥剛好大我1個月，咁咪要等到.....2047？平叔叔搵多d時間比我地喇！