17個月

溍溍已經17個月大喇！之前買d蛋榚，都係睇完大人食，到而家佢已經自己叉黎食喇！

17個月的溍溍，比上個月高左成2.5cm，有78.5cm高，重量就應該重左好多了，抱出街都幾攰架。 牙仔方面，除原有的8隻外，起碼有4隻係出緊o既，所以成日流哂口水。 (4月30日追加：偶然翻看28日的相片(見下圖)，發現有牙仔，29日捉住黎check，原來兩邊入面都有牙仔出，所以而家係有8隻牙出左，6隻出緊)

飲食方面，已經轉左食飯、字母粉、蜆殼粉之類，再加蔬菜肉類。鮮奶亦成功進入溍溍的小吃餐單之中。

學習方面，除了只剩幾堂的幼潛，平日還在隔離商場返兩日playgroup，表現都唔錯。字母大致上都認得哂，而家最常講的a、apple、red，cat、dog、frog等等都講到；數字由1至5，只是3講得無咁好。 辦別顏色方面，見到紅色和黑色時會講出紅色/red或黑色/black。

但行為上呢，扭計了很多，自從先兩星期去了某幼兒園interview後，就像開了竅咁，跳跳扎。除了早已學會的擦牙外，現正學習漱口，但仲未好得，將水都飲落肚(當然係熟水)。食野時就最扭計喇！