兒童節

4月4日兒童節，對於16個月的bb來說，查實有無份慶祝架呢？由於媽媽下午要返工，所以早上吃過早餐就同爸爸和姐姐一齊落平台玩。今朝早餐都好豐富，有奶奶麥皮(未係用牛奶，還是平日飲的奶奶開)，仲有漢堡三文治。

落平台玩，今日爸爸折左係反斗城買回來的新泡泡槍當作兒童節禮物，呢枝槍都幾好玩，無好似nemo果枝玩到嘔泡之餘仲流哂口水(仲要好快壞左)，又因為成枝泡泡扣落槍身度，簡直乾淨衛生添！
下午媽媽返工，爸爸帶我返playgroup，今日得知陳穎瑜原來同我都係同年同月同日同地出世，只係佢早我10幾個鐘咋！放學後，爸爸帶了我去金魚街買氣泵和濾材，除左帶我睇左魚魚，條街原來仲有貓貓、龜龜同埋bunny睇添！