小休片刻

今天媽媽的大假仍然繼續，可是因去不成旅行，爸爸將今天返工計半日，放假計一日的假期取消，返工去是也！

早上玩爬電視櫃底，中午玩訓晏覺，4點幾起來食過爸爸收工時買的蛋撻，就出發了去荔枝角公園。本來是想四圍去，但未來三日爸媽仍是會放假陪我去玩，所以還是當小休一天。

去到公園玩滑梯、玩阡揪，當然仲有呢期最愛的run run run。偶爾爸媽又同我玩下「溍溍，笑呀！」和「溍溍，喊呀！」攪到我本來只得1號和1號半的表情轉來轉去都差不個樣。

往日臨訓story time後，爸媽都會問我，「溍溍，邊個開奶奶呀？」，通常我會講出是但一個，那個就去開奶了。但今天我的回覆是「溍溍」，還爬下床再跑到去廚房指著罐奶粉，不過最終還是由爸爸來開。事關爸爸說，如果溍溍開奶，咁就唔該兩枝呀，一枝媽媽，一枝爸爸，咁我從來都未見過同時開兩枝奶o既，咪玩我喇！

如果，我真的出發了！今天是行程的第三天，大概仍會在伊勢松阪一帶遊玩中......