頑皮對策(溍爸篇)

以下內容含有教導子女成份，未經專人指導及環境許可，切勿模仿。

當溍溍頑皮時，佢會不以為意(溍：梗係，我係bb黎架嘛！)。

今次場景係某日下午，溍溍要訓晏覺的時間。

花了15分鐘，已經摔哂頭(溍溍眼綑的行為模式)但都唔訓，

仲唔肯飲湯湯，係都要飲奶奶。於是......
利用從Super Nanny節目學回來的naughty circuit/square的concept去處理。
係呢個時候，大家睇下溍溍幾樣衰，左眼有眼淚，可惜被踢爆右眼係無o既，仲係度裝緊。
而呢個表情只在望住佢時才做出來，另外會搭多一聲「嘩」......

而溍溍的naughty circuit就係床頭，佢被放左上去後就唔敢自己落返黎。

當然，安全措施非常十足，下面係枕頭和床褥嘛！

再經過15分鐘的搏鬥，終於......溍溍屈服喇！
覺覺豬是也！

yeah！頑皮對策作戰大成功！

身水身汗的溍爸終於可以順便訓返個晏覺添！