11月23號係返學以來的第一次outing,主題係去學校附近的奧海城Taste超市買東西。每人有五蚊(當然爸媽比)去買野,溍溍就買了個編號4388o既新奇士橙回來,承惠$3.6。
11月24號係溍溍的農曆生日,先兩年爸媽都忘記了,今年爸爸記得,於是收工去了酒家買了壽包和白免仔回來。有人以為壽包同蛋榚一樣,堅持要點蠟燭、關燈唱生日歌,當然仲有許願,然後........切patpat時間,的而且確,有人係咁講o既!是日飯後甜品,編號4388出黎為大家o既健康而犧牲了! 搣開4388時,入面都有好多粒核,爸爸對溍溍說,如果食左d核落肚呢,會點呢?正當爸爸諗住傳統的標準答案將會係呢張小咀巴而出o既時候,有人回答說,咁個人咪變左樹囉!(咩標準答案唔係頭頂生棵樹出黎咩?幾廿年黎都係咁講架喎!)
11月27日(星期六),是日約了婆婆、大姨細姨,仲有三姨一家去吃buffet。今次選了一間價錢中等,仲有幻彩fing香江睇的YMCA再臨閣。食物不算太高檔,又不算太美味,但勝在人不多,地點又方便,都食得好飽。 食完仲可以去隔離Heritage 1881影下相添。
明日,海洋公園慶祝生日去!
8 則留言:
溍溍,happy birthday!身體健康!快高長大!聽教聽話!讀書叻叻!:)
Btw, 我成日覺得阿表弟好慘 ~~~~~ :p
意粉姨,你曳啦,咁夜都未訓,超時喇!不過都多謝哂先!
呵呵,溍爸要快D 解釋先得,事關相中出現表弟喊同扁嘴的情況,剛好都有表哥溍溍係度,一陣唔知以為係表哥搞到表弟咁,查實係表哥好鍚表弟,幫手逗表弟笑呀 ! 呵呵 ! ~大姨字。
表弟果d叫"揀楝",唔係喊呀!~~
咩叫"揀楝"呀?又係溍語牙?
意粉姨,請用半咸淡煲冬瓜讀出呢個廣東話來,就知係咩囉!基本廣東話,唔係溍語黎架!
而家溍溍把口已經唔講呢d低能野喇!好似噚晚係屋企,講左句「有d人傻傻地....我唔會比佢玩」,果時佢正比人鬧緊佢將件玩具fing來fing去整到印姐姐。
都係 get 唔到 ~~~ 可能我啲刨冬瓜太準啦,哈哈!
發佈留言