12月生活瑣事+5仔會面

2010年12月第二個星期，除了星期三病病，幸好即看醫生，休息了一天，第二天已可在"堅持"下返學去。不過出院無耐的太女麻就唔乖，剛星期六又入了醫院了。之但係今次o既"唔乖"之中都"好乖"，因為係自己覺得唔舒服就出聲，唔係上次真係"唔出聲"喇！

返學以外，都係攪攪震時間喇，例如玩生日禮物之一的Scrabble啦，拎返幼兒園表演o既沙鎚出黎rehersal黎緊幼稚園的聖誕表演啦！仲有星期六的音樂班升班了，今次除了街坊陶陶外，仲有當年(都係年頭o者)幼兒園蘋果組的悠悠一齊上，當然仲唔少得至愛之一的Miss Yip啦！

12號星期日，有BBQ約會，不過因為氣管才剛好了下來，還是對燒烤敬而遠之吧！不過難得的多仔聚會，總要出一出來吧！今次地點去了九龍城某新樓盤，5樓平台的燒烤地點外有些露天的位置可供小朋友跑跑跑，背景仲好春田花花幼稚園feel添！

在戶外梳化上，難得集合了五仔，不過b朗比較唔合作，但細佬哲朗就好合作，仲學曉yeah yeah yeah，V手影相都不知幾落力(雖然學唔到食指+中指)，但佢都出到大姆指+食指黎V架！不停咁影，但真係無幾多張係正正經經五個樣都睇得真，一於"晒冷"喇！

最後呢張影得4個企得最似樣，可惜b朗角度加少少"唔合作"問題，都睇到一隻眼一個鼻...... 你地又搵唔搵到佢呢？ :p