36個月

又一個11月28號，今次係3歲喇！真係話咁快就到！在此祝早一天生日的Gabby，還有同一天生日的陳穎瑜，還有計香港時間都係28號的Michael仔(安叔叔的bb，在加拿大時間27號下午5:30出世了！)，真係好日子。

最近一次量度，身高92.1cm，體重13.8kg，真係好重，出街抱得爸媽手痛。學習方面，說話能力很強，形容、對比運用得很好，對phonics亦很有興趣，甚至會自己去拼音。不過，原來trouble two之後，trouble three仲麻煩。本來玩開的平台花園的滑梯，突然不敢爬到高那一邊、去公園玩大型的組合，架上的鐵板是硬身的，因為見有窿就連站起身來也不敢、在學校玩平行木，還要是離地只幾吋的都不敢；但去玩小童的韆鞦(即不是有個兜果種)，又完全沒問題，還叫著大力d，高d........ 唔通就係無意識期和有意識期的重大分別？

此外，最trouble的，就係久不久發脾四，又或者每天訓醒黃昏覺就係度喊，唔知為咩？但點都要喊一輪，然後咩事都無。

前排執拾冬天的衣服，特別騰空了一格衣櫃給溍溍，等他自己學掛衫，還有去完街時收拾他的背囊。但有人呢，就以爬出爬入個衣櫃為樂。

今年生收到唔少禮物，仲有婆婆和女麻女麻的利是，多謝哂大家！