上次同爸爸去吉豬島買了副大啤牌,因為大張對我黎講好難拎,突然醒起坐JAL時都有副啤牌,於是搵返出黎玩,細細張,o岩哂手形啦,玩的,當然還是"潛"烏龜啦!
1月2日趁返學前的一天,就去剪一剪個靚髮。今次好乖,自己坐係同區小朋友至愛的車車剪髮椅上理哂成個髮都無喊,於是爸媽獎了去吉豬島玩,又食麥當當(查實佢地想食),然後又去埋會所玩,仲第一次玩會所的氣墊球添!(吉豬島都有,但要比錢,會所唔使,但就要搵爸爸對大脾墊下腳先夠高喇!)
後話:話說1月1日電視播春田花花同學會電影,同日爸媽又再拿家下的影碟出來再看,兩日後,有人係沖涼時在浴盆中捧住個面盆問:「爸爸呀,大學有無教捧住野架?」對於未讀過大學的爸爸當然唔識答喇!但回頭一想,莫非.......阿囝,你真係香港人黎架!
2 則留言:
今年有無開暖管呀?
開左暖風機吹人,無放曖管去魚缸喎!
發佈留言