我已經2個月大了！

各位，轉眼間我已是一個2個月大的bb了！


在過去兩個月期間，我也總算是食得訓得的乖bb。衰在爸爸"遇忙越忙"，唔係我應該有好多篇網誌寫寫我的好野衰野的了。


暫且先寫寫我的變化吧！我從出世那一刻的2.5kg，至今已倍升了一倍左右了(近日去睇醫生叔叔時連衫磅係11lbs，比健康院的無咁準確)。


而我的食量由最初的3oz，增至現在的6oz，聽聞好多哥哥姐姐都未有食我咁多。好似今晚咁，我第一次試過一口氣食完6oz添！而之後我仲送了個賀年金多寶比我爸媽，係有生以黎最大堆的"金"，多到頂到上背脊，有點蔚為奇觀架！


而之前一晚我仲破了新紀錄，一次過訓了7個鐘頭。但我就無遺轉到0.93秒即訓的大雄秘技，呢幾晚晚飯後往往要攪好耐先訓到覺豬。


先兩日我二個月牛一當日，爸爸買了星巴克的cake cake回來慶祝，不過唔知點解，每次到吹蠟燭影相相時我都係訓著覺豬的，大家可以睇下上圖(1月28日攝)和下圖(12月28日攝)。而當日我收到的生日禮物係.......媽媽帶了我去打六合一第一針和口服輪狀病毒第一劑，呢個禮物夠特別喇！

1個月和2個月的對比，食多1個月奶粉後，我係咪相對地肥左又型左！仲有就係訓左....