小凱溍大長征...拜年是也！

爸爸媽媽係呢幾日，即係年初一至年初四，帶了我去拜年拜了3日，餘下一日同我在屋企附近行大運。路線如何？



年初一：中午過後去了三姨在葵興的家，和三姨、三姨丈和三姨丈的媽媽拜年，爸爸媽媽也是第一次去，因為三姨係07年11月才嫁到那裡去。(我食完三姨餐魚翅4日後才出世架，所以好記得)。之後去契太婆在葵芳的家，仲留o左包黃金同契太婆拜年添！然後再動身去深水埗的表舅公的家。由於時間關係，臨時取消了到沙田"女麻女麻"家，不過約好了"女麻女麻"直接去銅鑼灣太"女麻"家(本來打算入了沙田再一起去太"女麻"家的)。是日最後一站，和太"女麻"、"女麻女麻"、姑姐、兩個堂叔，仲有爸爸媽媽係太"女麻"吃盆菜(我當然只有負責把風的份兒)。



年初二：今日簡單d，係去鑽石山的婆婆家吃開年飯。爸爸媽媽本來打算乘機行下荷里活廣場才上婆婆家，點知行兩下我就喊喊，於是上去和婆婆、大姨、細姨、三姨和三姨丈，仲有爸爸媽媽食盆菜(我當然都係負責把風喇！)



年初三：爸媽本想去行街街買衫衫比我，不過攪得我黎又太晏，於是改了在屋企附近行大運。我第一次行了西九四小龍和海麗邨，算係認識社區吧！



年初四：要長征西環細姨婆家，亦係我第二次過香港島(第一次係年初一去太"女麻"屋企)。爸媽趁機會帶了我去爸爸返工的中環，因為佢地想行下H&M買bb衫比我。之後行去埋上環永安百貨才氏坐車去細姨婆家。



以上就係我呢幾日東奔西追的日程喇！簡單d，可以用圖表示，紅色的係年初一的路線(紫紅係原定路線)，藍色係年初二，粉藍色係年初三，至於綠色係年初四，係咪好忙呢？


另外呢，爸爸先幾日幫我訂做了一個印仔，佢話為o左分辨邊一d利是係我o既，邊度係爸媽o既，個印仔會係每一封成為我將來的教育基金o既利是上出現架！

最後就係，新年流流，當然唔少得有新衫著，我呢一身係爸爸過年前買的H
&M外套及長褲(不過影相時正換片片，無著到)，另加lacompagnie的T-shirt，仲要加埋呢個pose，型唔型呀？