爸媽shoppoing是也

自從我出世以後，爸媽都忙於照顧我，所以除了爸爸收工時飛身快閃去買野比我外，媽媽去shopping買野都係機會難逢......


由於我越來越大隻仔，於是爸媽買比我o既衫，有d開始變得細件了，要搵時間買d新o既又大件do既比我。


早一個星期，爸媽才第一次帶到我去shopping，去了九龍灣的Mega Box行了一個黃昏。年初四趁要去西環細姨婆家時，爸媽經過精密計算餵奶時間外，決定提早出門口去中環的H&M和永安百貨買衫衫比我。


爸媽係兩間公司都買到新o既衫衫比我，咁我遲下可以多d衫替換。



查實每次外出，爸媽都好擔心幾時同係邊度可以同我換片片或食奶奶。好在有d好心的叔叔嬸嬸早已在網上流傳育嬰室的名單，爸媽就可以換圖索驥。不過有時有d料唔夠update，都可以幾狼狽架！


好似係H&M咁，剛好我有少少便便，爸爸唯有問店員姐姐邊度可以方便，答案係fitting room。房仔細細，剛好入了我架戰車，但就無地方可以比爸爸鋪上尿布墊比我安安穩穩咁換片片。於是爸爸唯有係車車度幫我換。都唔明白成層賣童裝和bb同埋媽媽衫都無個好地方比bb用o既！之後我利用過我屋企會所、樂富吉之島和Mega Box的育嬰間，都唔算係好，不過起碼有基本的東西o既！

至於出發前，媽媽打了去上環的永安問過，話如有需要，職員姐姐可以安排間房仔比bb用添！不過今日用唔著。之但係，遇到財神爺爺，唔知係我d教育基金方面幫唔幫得著呢？