BB看BB

今日係出世後的第101日，亦係爸爸第1日要同我獨處大半天的第1次。之前因為媽媽放假，所以一直以黎都唔係爸爸同我係屋內作困獸鬥的。


爸爸今日本來有鴻圖大計打算係早上餵飽我就帶我去了公園咁，點知....攪呀攪，卒之攪到4點幾先有機會出現。又剛好萊叔叔個bb出世，於是爸爸就雞咁腳趁機會出發去行路都到的萊叔叔屋企睇BB喇！


爸爸開住我架私家車，半路中途我已經訓著左，去到萊叔叔家我都仲訓緊。後來爸爸從私家車抱我出來才醒醒！嘩，好細個o既BB呀，但點解訓左係我張搖床o既？正在朦鬆的我望望下BB，哎呀，佢喊喊呀！係囉係囉，我唔係同你爭床床呀，我記起我張床係我屋企嘛，呢張係你架，只係大家同款式床床之嘛！


溍心聲：「乖啦乖啦，唔好喊啦BB」
萊叔叔：「BB肚餓喇！要食奶喇！」
溍心聲：「仲以為係我攪喊BB添！」


溍爸 - 3個月同3日o既分別真係大得緊要，只係3個月分別咋，而家抱住10幾磅的溍溍好手攰呀！