2008年6月29日星期日

有需要人士

溍溍自出世以來,坐得最多的交通工具除的士就係港鐵了!媽媽獨自抱住溍溍有人讓座的機率比爸爸抱住的多很多,據爸爸記得有人打算讓座的機會大概還是一隻手數得哂。其實,即使讓座比爸爸,爸爸都會婉拒同多謝的,因為爸爸揹著背囊和抱住我,仲要加上佢個龐(或肥)大身軀,港鐵d位咁大個,點夠佢坐呀,仲要擔心整到我對腳腳添!

之但係當溍溍坐私家車時,又有另一煩惱就係d人好鍾意倚住原本比輪椅或有需要人士用的空間,有見個幾個應該仲係讀中學的姐姐,手拎住杯野飲圍住係度傾計;姨姨係度倚住同將餸勾住係橫bar度;d哥哥係度倚住打psp;叔叔係度睇報紙或闔眼睏等等,於是架私家車就要放係通道中間,變相阻人出入,仲要食哂行車時d風。係偶爾有2-3次因架車無咩人,架私家車先可以泊個靚位,唔阻人而且又安全。

香港人的公德心係有,但有時都幾難搵咁喇!而港鐵亦應該將句語修改下,「Please offer the designated space to anyone in need」,因為家下係bb車要個安全o既位,唔係想佔個座位呢!

2 則留言:

匿名 說...

我個肚而家咁大個,日日搭港鐵九成幾都無人讓位架,仲要成日俾人撞,陰公~~

凱溍くん 說...

我每日返工放工搭港鐵,100次我諗都無1or2次係有位主動坐,通常都留返比人坐。自從體驗左輪椅位係可以方便比bb車停泊後,我連企都唔會企係果個位,留返比有需要人用呢!