「唔該一個D餐呀！」

2008年7月20日，媽媽返早，於是爸爸中午時份帶了我到沙田探女麻女麻，當日太女麻都係度添。等到媽媽放工，因為想買野食同衫衫比我，於是出了去一田百貨行街街。去到嬰兒部的育嬰室打算開d水水飲，已經撞到街坊朗朗(大我3日的)。上了一丁點水，就繼續行超市，買了些嬰兒食品，有已經食緊的和光堂米糊、仲有都幾受我歡迎的和光堂米餅。除此以外，仲買左7個月大o岩食的和光堂烏冬，仲補充左另一牌子的波波餅，及將會試食的BB芝士(麵包超人款式黎架！) 行行下都成5點幾，拎住大包細包的爸媽見我快要食奶，心諗究竟飛的士返屋企好，定係係度食奶好，卒之佢地做了一個決定，就係膽粗粗帶我返嬰兒部的Baby Restaurant食我人生的第一個D餐！姐姐：「唔該一個D餐呀！」媽媽出去收銀比完個$29，無耐姐姐就比左一碟野爸媽喇！

咁D餐有咩呢？這是一個烏冬餐，有吞拿魚薯仔沙律、烏冬和生果糊仔(爸爸話應該係紅蘿蔔醬那款/和光堂5個月食品，我有食過同款的蘋果醬)。而當時爸媽只有心諗，第一次食餐，唔知食唔食到呢？但衰極都係蝕$29蚊o者！點知.....起碼食到$25蚊，very good！只係中途要請求姐姐幫手叮一叮返熱黎食o者！(據姐姐講，所有食物係用浸熱的方式的，但整起左就只好叮叮了！)

食飽飽，爸媽可以繼續行街，而我仲飽到訓著左，返到屋企，爸媽仲買左新衫衫比我添！

另外，同場仲加映生平第一個係街上相認的blog友BB諾諾(6個幾月大)，我地仲合照留念添！(但爸爸比我開心，因為有人認識48cm的blog啊！那個人咪係諾諾爸囉！)

特別附錄：食D餐食得咁開心喇，等爸爸爆d溍溍陰私先！o拿，呢個係屋企食粟米粥的極惡look，當時匙更都未到口唇邊呀！嘿！浪費哂媽媽d心機！