playgroups

係呢三星期，我會返兩日playgroup，一個在星期六黃昏，一個在星期日早上。前者在油麻地，後者在觀塘，經過第一次如此生活，我和爸媽都攰攰呢！


星期六的playgroup已上到第6堂，很多朋友仔都混熟了(雖然成日有新人換入或補堂/插堂/試堂)，每逢最後10分鐘的自由時間，我就特別活躍o既。上一堂我比爸爸用老師個remote引到我爬紅色的隧道，今堂到透明的隧道，我更加無咁驚，爬左入去，仲玩到訓底都唔肯出返黎，激死爸爸了！


到左星期日，新的playgroup(全10堂)來了！這就是當日爸爸一早6點零去排籌那一間。由於先一晚才上完另一個playgroup，之後爸爸又帶了我去和d叔叔姨姨食飯，所以舟車勞頓後，一早起身，又真係好攰，不過好在都準時到達位於觀塘的中心。


這一邊的playgroup又唔同類形，除了每次3個遊戲外，仲有茶點時間。姐姐拎住籃有兩款的餅乾，話可以選1塊，對於食餅開心過食粥的我，梗係想成籃上喇！

跟住到中段場地執拾時間，可以去後排坐下，睇下我坐得幾招積！

媽媽仲過黎幫我按摩下先再出擊.... 後面個同學仔仲要媽媽抱抱架！

1個鐘的課堂話咁快就到，雖然放學時外面曾經好大雨，但爸媽都好想係觀塘食埋先返屋企，於是去了apm食壽司。

溍：「咳~，唔該我要呢樣、果樣.....」

溍媽：「呢樣果樣，都係咁樣喇.....食粥粥喇囝！」 溍：「咦~~」