病了

病，是人生必經階段吧！26日由我有一點像乾咳而起，27日晚開始再唔妥多一點，28日10個月那天，爸爸還是帶我看了馮醫生(屋企樓下商場的診所)，因為咳咳多了。怎知到晚上又差了一點，咳咳帶點痰聲，又鼻塞訓唔好，還帶點微燒。

29日，在婆婆家直情嘔左出黎，晚上媽媽帶了我看胡醫生(替我打疫苗針的醫生)。整晚因為咳咳，食又唔安，訓又唔樂，難為爸媽訓都差點沒訓，因為這邊一訓，那邊又給我弄醒了。吃藥也費了很多力氣，才能將針筒的藥送進我的咀裡。但不費幾分鐘，我又嘔了出來。

如是者，30日，本來要上baby health gym的第二堂也不能去了，為己為人嘛！傳染給其他bb不好，自己身子弱，萬一其他bb身上有更勁的菌，我仲要蝕埋添！不過經過一日休息，已好了很多了。多謝哂爸媽的通頂式照顧，還有婆婆和英姨姨的接力，我會叻叻快d好返喇！

27日晚BBQ gathering，街坊彤彤與謙謙一齊坐欄杆扮bar枱。
28日，溍：「唔食藥藥得唔得呀？」溍爸：「食喇，提子味架！」

溍：「嗚嗚嗚~~~我無胃口，唔好逼我食粥粥喇！」
29日，凌晨4時許.... 食藥餵奶途中..
溍爸：「咦，做咩你一路玩PDA一路食藥咁嘆呀？快D食完訓喇，頂唔蒲喇！好zzzz呀！」

30日，溍：「好野，無燒喇，37.5C咋！」

不過，病病真係慘慘架！秋天了，大家要小心身體呀！