飛船「尼克珍號」

為左向呢個無窮的世界探索，我溍溍今日特意進行了一個為期一陣間的宇航員訓練，包括坐吹氣波訓練平行力(溍爸：阿囝，吹氣波會爆左，咪坐得咁大力呀！)

此外，為左有完美的行程，我溍溍亦特意拿起臘筆，打算寫下一個完美的飛行計劃。

當遇上複雜的運算起，我會動起我幾根小手指頭作精密的運算。

好喇，進入發射前的系統調校，我擰、我擰擰擰....

為左承受強大的衝力，當然要先扣成安全帶，同埋帶備飛行手冊喇！好，鏡頭要轉一轉入去飛船內部睇睇呢位宇航員的狀況先！唔....everything in order！10...9...8...7...6...5...4...3...2......

........................1，發射！咦？點解個宇航員又突然間係「尼克珍號」出面架？？！你應該係入面架喎.......喂...喂！！

此時此刻，呢位宇航員從外太空望住飛船，向宇宙大王尼克珍作出致敬！