控制權

已經1歲的我，活動能力已經提升了不少。好似最近咁，我開始學行，爸媽拖住我手手，我可以行到一段路，不過仲未能夠自己行。好似先兩日爸爸帶我去深水埗公園，我一手扶住架BB車，一手爸爸hold住，大大話話都行左成100呎以上。

除了拖住，我好似之前學爬咁，都係好鍾意推住d野，借d意咁行。學爬時我推張膠櫈仔又或者玩具黎爬，而家我玩爸媽張圓櫈喇。仲有呢，我而家成日扶住梳化或者TV櫃，就提高一隻腳單腳企，其實我舉起隻腳係想撐住爬上去梳化或TV櫃，不過我傻更更有無野都撐起隻腳，爸爸話呢個動作似「黃狗射尿尿」，好好笑。我仲有呢，有時見到爸媽影相，我唔高興會避的。

綜合而言，我真係越來越不受控制，因為我已經唔係bb喇！好似媽媽先兩日想用control控制我....

「 嘿！我而家曉爬曉行，邊到妳控制架！」
「哼，仲影相？......」

12月2日回健康院1歲檢查，正正常常，仲打左MMR針，體重係9.33kg，身高唔知，但好似無咩點長高o既！