13個月

雖然遲左成個星期有多，係度報告返13個月的溍溍是如何的。13個月的我雖則見到蛋榚和蠟燭會手多多，但總算有一秒半秒可以坐定定影張相相，而蛋榚亦已經會食埋一份。

平日食奶2餐，臨訓和半夜12-2點之間，之後一覺到天光，只係最近1-2星期半夜食完奶又眼光光。早上食一次燕麥片，有時會加入如香蕉、蘋果和比利時啤梨之間的生果。之後係食粥粥、排包和小食的餅餅。粥的材料都係豬肉、鯇魚、三文魚配節瓜、紅蘿蔔、西蘭花、雞蛋、豆腐等等。

活動能力方面，爬上爬落梳化、床邊已經輕而易舉。私家車3號(室內用)玩左2日，就已經識得抽頭轉方向；私家車2號(戶外用)也喜歡踩，但也不及自己推來得開心。玩具、字咭、DVD等，再愛一野hea哂落地。

認知方面，A、M、爸爸，仲有個疑似Damn的發音都比較多；物件如dog dog、fish、tree、包包都能分辨；動作如arm up都指令下做到，食飽/唔願食時，會擰頭叫唔食、唔要。行方面，扶著東西、扶著人或bb車基本上可以行很遠，但自己行呢，1-2步起，就會跪係度，懶懶行。