除夕夜

2008年12月31日，大除夕，是日爸媽都要返工，不過都黃昏前已經可以返到屋企了。因為節日氣氛，爸媽決定帶我出街街，但諗爆頭都唔知去邊，卒之越攪越夜轉去近近地的葵芳，貪佢幾個站港鐵就到。到達新都會廣場，嘩，咁多人等位o既！肚仔餓餓的爸媽拎著要等好耐的等位飛很無奈、很無奈.......然後，叮！三姨！就係住係隔離的三姨！

卒之，剛巧三姨丈落左樓下買野無帶電話的時候，爸媽推著我仲有外賣晚餐和甜品，去左三姨屋企開餐去。等緊三姨丈回家期間，三姨拎左佢個電子琴我玩，點知我又玩得幾頭頭是道喎！

食到飽一飽，借了三姨舖床換個片片，條件係先要同多拉A夢影個相先。然後，碌呀碌呀碌哂成張床，三姨，唔該一個表弟呀！

科技發達，係我呢一代bb，已經去到用msn webcam同婆婆地隔空黎個happy new year eve。

期間，窗外不斷有表演的歌聲。而去到10點幾，又係時候講再見喇！訓屋企訓覺豬是也！倒數，大個仔先喇！