我的年三十晚

2009年1月25日，是日農曆年三十。這一天節目豐富，首先係原來今天更期是要返早追夜的媽媽，特別為這一天選了放假追夜的更期。因為今日係我人生以來的第三個課程的最後一堂，除了照影，仲有畢業證書啦，同埋做評估。平日返playgroup都偶有遲到的，今次特別提早出門，成為第二個到達的BB，仲有閒餘時間係隔離的等候室hea一下。
上堂了！今天第一個活動，唔係唱「小朋友，小朋友，歡迎來參加，我請大家先坐下，一起開心下」，而係「望呢邊」，然後咔嚓、咔嚓，影相相呀！大家都拎住畢業證書，幾叻叻！

影完相就輪到逐個做評估喇！呢個時間等待的就可以玩玩具先。

到我喇！先去suki姨姨度玩放顏色的物件入對應o既膠籃，之後就去馬姨姨度玩疊積木和入錢罌。

由於輪到我已經係最後一個做評估，有d同學仔已經去左行花市喇！

十二點幾，爸媽同我先去食飯先！今日食左餐日式團年午飯，有馬糞海膽、燒玉子、

三文魚刺身.......攪到我都唔願食我d粥粥，

但由於唔係樣樣食得，我只食過燒玉子、紫菜、鹽燒青花魚而已。

食飽行花市囉！爸媽選了去維園的花市，因為最香港最大，亦係最好訓o既！

點解？因為去到天后，剛入公園，我就訓到離開去為止。

訓醒，原來爸媽買了個生左牛角的牛奶仔風車。
回到荔枝角，媽媽要買了雙新波鞋仔比我過年著。

到媽媽小睡起身吃晚飯，我仲幫爸爸換了揮春和地毯，之後仲幫媽媽入利是添。

(哦，呢隻色應該唔係比我o既！我果封要大d、大d，再大d，呵呵~~)

溍爸：「阿囝，九點幾夠鐘訓覺喇！」