16個月

溍溍十六個月大了！而家無論係身高、體重、活動能力、語言能力都明顯進步了很多。

身高已經有76cm，腳板有12.5cm長，第9和10隻牙齒出緊。很會模仿大人說話，亦會說一些例如香蕉、電視、婆婆、媽咪、爸b、發達、邋遢、哎呀 、抱抱，仲有媽媽聽過的「oh, baby」。出街愛叫媽媽抱，落地行就行3步又走回頭3步四圍望，入超市就樣樣都想摸。爸爸返工通常係坐係high chair食緊早餐的時候，已經習慣地頭也不回從high chair伸出右手bye bye。

溍溍亦懂得聽指令從房走出廳拿個膠袋入房比媽媽，又或者指示去拎一些東西。

飲食方面，除了豆腐花未成功外，基本上大人吃的他都想吃，先兩日乳豬都食過了。今期爸爸特別買了深水埗坤記砵仔榚、白糖榚和紅豆榚回來當蛋榚，我都食架，不過開頭好似係懶懶唔肯用手，經媽媽解構，應該係怕手手污糟所以變左「隊」個頭去食。不過後來都教左係應該用手拎住食。