我的魔法棒

聽爸爸媽媽，仲有d叔叔姨姨講，通常印/菲姐姐黎到，屋企有d野就會發生不思議事件架喇！這個幾月黎，印姐姐黎到我屋企，都只係d好現實的如食油、豉油、鹽、洗潔精呀會好快消失耗盡。不過，經過大家調節後，已經回到正常水平了。

當大家過住開心又愉快的日子o既時候，不可思議的事情終於黎到我屋企發生喇！果日，就係3月21日(星期六)，爸爸收工回來，屋企發生左一件過去五年以來都從未發生的事情......姐姐竟然將廁所洗水盆個塞塞到整唔返出黎呀！爸爸用盡屋企的方法，例如螺絲批、刀仔、鋤仔、海棉膠紙、寶貼......通通都整唔返個塞上來.......就係呢個時候，爸爸決定了一個方案，不過由於要趕返幼潛，都係返學先......
放學後，爸媽和我去了商場買左枝魔法棒，佢有紅色、灰色和藍色，爸媽叫我揀，於是我揀左藍色，男仔用嘛！係商場度，我高舉魔法棒，我嘿、我嘿！變變變.....哦？都無野發生o既！

返到屋企，有左魔法棒的幫助，爸爸不消幾秒就整返個塞出來喇！
—爸：「阿囝，呢枝叫做廁所泵呀！」
—媽：「阿囝，呢枝係x姐冠軍權杖呀！」
—爸：「唔係呢，係Heman把劍呀！快d請骷髏堡賜你力量喇！」
—媽：「星空裡萬物在轉，歷憶萬年.....係小忌廉枝變身棒呀！」
—爸：「唔係呢，係蝦你老實枝魔法棒呀！」

溍：「o車，枝棒棒得意舉下之嘛，關果d我唔識o既野咩事o者.......」