五月

五月頭這個三連休，媽媽也得返工，相比四月的四連休，媽媽也有一天放假(即是說兩次都要連續三天對著爸爸...... 爸：「找死呀！」)

五月一日，媽媽返早追夜，爸爸帶了我去探女麻女麻。下午回來小睡兩個鐘，再落去平台坐單車(都未識踩)和玩波波，很充實的一天。而這天，亦是香港確診第一宗人類豬流感個案的日子。
五月二日，媽媽的覺豬日，人類豬流感係確診後的第二日。這一天要返幼潛，由於假期，很多同學仔爸媽也能早到和一起返學，可惜今天起有對應流感的安排，只容許一個大人陪同，卒之大部份的爸爸也真正地放最少半小時至1小時的假期(有些爸爸要半小時後來交換媽媽出去接力)，行街街去是也。回家前，還到麥當當食粟米，哦，唔制呀，唔好比爸爸食左我d粟米呀！

五月三日，媽媽返晏，中午落街去飲茶，食左個唔流沙的奶黃包，之後返到屋企倒頭又睡了兩小時。黃昏時，爸爸帶我到平台坐單車和玩泡泡，可惜一去到有幾個如狼似虎的姐姐(大約3-4歲到7-8歲左右)，一見我架單車就聲起腳落話要比佢踩，一見泡泡鎗就想係爸爸手上搶去話要比佢玩，卒之滑左幾下滑梯就無奈閃人。