新玩意

2009年6月20日，媽媽放假，爸爸返半日，不過等我訓醒晏覺都成4點幾，出得街黎得接近黃昏了。媽媽想買張枱仔比我，於是去了九龍灣行宜家。由於時間不早，先決定食晚飯，溍溍第一次去赤丸製麵所，等位時拎個餐牌要呢個果個，一家三口坐落半邊的卡位，開頭還斯斯文文坐定定，轉頭就彈彈彈仲撩對面個姐姐添。

食完行宜家，去到兒童家品部，開頭仲好含蓄，玩落仲爬上d床度一張過一張，係個有天幕的床度仲玩到跳起，真係激死！最後行到成九點，媽媽抱住十幾kg的我，而爸爸就抬住承惠$299的10kg重新玩意回家去(枱角墊屈機價$49.9八件，一張枱用得4件之嘛)！回家途中在太子轉車，仲遇到張文光議員讓位比我同媽媽坐，我仲同佢握手啦，傾計啦，仲bye bye添。

深夜時份，溍溍大覺訓的時候，爸媽砌呀砌，擰螺絲擰到手都痛的完成了新玩意。
溍溍對於新玩意似乎很喜歡，第一日就替他「開齋」了！溍溍：「畫畫畫....哦......哈哈哈~~~」爸：「畫落本sketch呀喂！」溍：「畫畫畫....」爸：「......」