又是週末

標題一時間唔知點寫好，查實每個週末都係咁過，但每個都總會點不同樣，情況就如老夫子漫畫的「無題」差不多。

星期六(8/8)，媽媽返早追夜，爸爸收工後就負責我o既活動喇。4點幾，落左去平台，查實打算去荔枝角公園，可惜有人唔多願行，係都要人抱，炎熱的天氣加上一個20幾磅唔願行的人仔，都係留返係平台玩算吧！walk around，係管理處旁邊見到有好大隻飛蛾係高高的牆上，仲有隻有溍溍拳頭大的蝸牛在牆上目視的位置，所以，如何平凡之中，總會有點不同樣的。然後去了食朱古力甜筒......no、no、no，係吹bubble至真；再之後係爬滑梯(有人唔肯滑滑梯，係都要由底行上去)，再再再之後，已經係回家食飯飯時間，咁又一天喇！(溍：「爸爸，點解寫寫下個身份變左咁o既？)
星期日(9/8)，今早媽媽放工回來訓覺，又是爸爸負責的日子。奈何電視機打出氣溫30度，最高34度，於是還是懶洋洋的爸爸都係決定大家留在家中hea到午睡算了。下午上Dr. Poon playgroup，本來打算留在家中溫書的媽媽也一起去了！放學後行左去圓方逛逛，一家人還是第一次去呢！係商場內，見識過咩係溜冰，仲用過一個暫時去過全港最靚的育嬰室。此外，最興奮還是見到一列銀色的水柱，玩得很高興，玩得直頭飛撲埋去，條褲都濕左。果一種興奮，連去完育嬰室出來，本來拿著一份商場地圖看著的時候，再次遠遠望見，也得飛奔要去再玩，「喂....咪走咁快呀！」爸媽如是說。

p.s. 溍爸註：這個寫法和拼圖法，有點像罐頭榨菜肉絲的感覺，哈哈....