剛過去的星期日，噢！發燒啊~~爸爸帶了我去看醫生，38.1度，替工的醫生說我是病毒感染的感冒。但吃了藥，我還是不眼睏，只是近日食慾也是麻麻地，仲嘔左幾次，不過在說話、唱歌同扎扎跳方面，病左仲進步左，神奇。早餐試著由ABC粉改成三文治和鮮奶MILO corn flake，但食三文治就麻麻了，但鮮奶corn flake，good！由於病左，最後一堂的Dr. Poon playgroup只好缺席，留在家中閒時探探熱和定時吃藥。
剛過去的黃昏，看第二次醫生，因為發燒仲未退哂，再睇醫生換了另一些藥，終於開始有眼睏了！不過未訓之前仍然很精靈，去緊pupu都仲可以同爸爸玩連拍怪臉，咁究竟係有病定無病呢？
6 則留言:
去緊 pupu 仲影人，依個爸爸 ~~~
快點痊癒就好～
小朋友病真唔係幾盞，不過病時當休息下啦（正常週末都要搵地方去，都幾攰架），事後仲可能真係會高得快ｄ添～
我仲想問，Dr Poon Playgroup喺邊度上架，你覺得好唔好？亞仔就黎一歲，又開始要留意下有咩Playgroup啦～
意粉姨：正所謂辦大事都有輕鬆o既一面嘛！每影完相，溍溍都好心急睇相架！
christine姨：燒了幾天，都諗緊係咪因為出牙或長高，不過醫生斷定係病毒，唯有食藥喇！ Dr. Poon我個人意見係 — 總結7堂經驗，係愉快的。但流程、時間控制及道具仍有改善空間。
T宏下星期六生日，有咩慶祝呀？
呢期ｄ病毒好猖獗呀，絕對感覺已經燒到埋身啦，大家都要好好保重就係嘞．．．
多謝你記得天宏生日呀～
無乜特別慶祝，會同屋企人一齊切蛋糕開心下啦，大攪就唔會嘞～本來有join埋ｄ媽咪一齊開party(~100BB)，不過之後都退出左，始終呢個時期join咁多大人細路嘅活動都幾高風險呢～
christine：記得係因為我有個list記底幾時有邊個friend個bb出世，以免日後唔記得人幾時生日，見面剩係會講「呀，無見一輪好大個喇喎，家下幾多歲呢？」
查實一連兩星期六都有探初生b約會，起碼今個星期果單都應該唔會去喇，溍溍今朝仲有發燒呢！
發佈留言