22個月

22個月的溍溍，即係仲有2個月就兩歲了。在過去一個月，似乎身高又再開車，但體重硬係覺得重左，但磅完又係咁上下。

呢個人仔愈黎愈反叛，你要佢做咩，佢就係唔做或做第二樣。唔比佢咩，佢搶喇，捉實唔放喇(喉嚨除外，呢一刻必定放大喉嚨~~喊！) 表達意願方面，清楚很多，「想睇」、「我要」、「爸爸攞」、「媽媽拎」。仲識得尷尬，例如喊到死死夠，知道比人影左片或影左相，會飛撲埋黎睇，睇住又笑，笑住又要伸手去熄相機。

心情靚會擦牙擦得似模似樣，但無心情呢，成個人翻來覆去的，要捉住黎擦；漱口亦比之前做得好，有時吐返d水出黎仲專登玩野，例如吐得遠d。

近排仲口水長流，喜好食手指，一隻、兩隻、三隻四隻，成梳咁食都有，原因係可能係出大牙吧！之前都無咁厲害。

而早兩個星期六，開始返幼潛課程，亦將會係人生中最後一個(因為到兩歲止)，閒日就在家附近的playgroups上兩日。正式的幼兒園如waiting的未有機會，就要等到一間已經收左，不過老實到話因為12月和1月多假期，所以建議2月才上學去。而黎緊10月11月將會係K1面試的時期，又睇下有無著落啦！細仔係多人爭呢！

特別附錄：
9月27日，第一次自己從滑梯上較正個位滑落黎呢！