十．一國慶日

查實十．一國慶係咩，我小凱溍梗係未知係咩喇，只知道爸媽今天放假。趁放假，下午爸媽帶了我乘巴士去女麻女麻屋企。今次比以往叻左，無怕羞唔敢入屋，又不停要女麻女麻切生果食，臨走仲run run run添！
可惜在缺乏午睡的情況下，黃昏時份爸媽本打算和我去shopping一番o既時候，我d脾氣就來了！扭計計，抱起時又盡力彎身向下郁郁貢，行左無耐又肚餓要「食pizza」，好在去到pizza hut門外見到好多人都無扭計，仲肯改口「麥當奴」。食飽收咁d脾氣，終於可以行返下街，總算買到一件衫和一pack底衫，同埋比爸爸匆匆影低用LEGO砌成的蛋撻、pizza、龍蝦與紅酒，才趕著打的回家去。卒之沙田的彩燈沒有看，是晚的國慶煙花只爸爸有幸在的士駕出青沙隧道的高位時看過一眼而已，而我呢，睡著了！