中秋活動第三擊

中秋活動的高潮，莫過於八月十五正日喇！是夜去了大坑太女麻的家吃晚飯，還在太女麻的木疏化床上彈彈跳，兩太女麻孫加埋快一百歲，也玩到kaka笑。
除了吃飯外，還有看舞火龍，今年係第一百三十年，很有歷史啊！

看過舞火龍後就離開太女麻家，出了維園看綵燈會。由於出到去已經九點幾，眼綑作祟，個人好似食左興奮劑咁，一到維園的球場就run run run，見人run我又run，影相又拗哂腰，事後爸媽投訴抱到雙手攰哂！只直線從天后進入，銅鑼灣離開，途中人頭湧湧，天上與地下的A貨圓月相輝映。

慶幸步出糖街，就有都唔算太忘命的荃灣小巴(途經屋企)，不消20分鐘就回到家，這時也快11點，卒之攰到隻咁，訓左......

這是大坑舞火龍期間的名物，火龍燈籠一個！每個只售30蚊，但我入手無料，因為係爸爸的老街坊Bob叔叔送的(燈籠是他設計和賣的嘛，多謝哂！另外仲有個Alice姨姨架，不過可能佢係維園做緊event，所以無緣碰見。爸爸話佢地係老左30幾年的街坊，小時在街市捉迷藏，然後幼稚園、小學同學，但期間20幾年無見，係最近靠facebook搵返咋！)