主角唔係我,係爸爸,所以交比佢講。
溍爸:「話說有人鏟幾個字都唔起身,起身後去廁所已經抱佢去仲要喊,又唔肯坐廁所。叫佢洗面擦牙扭哂計,仲手痕叫極都唔聽,卒之哈哈哈撕爛張識字海報,鬧佢又喊又扭計,唔食早餐罰佢坐定定,點知婆婆一邊叫住乖乖乖,一邊抱走佢就甩身了。卒之轉頭食早餐,食得一半麥皮又被人容許落地run run run,仲要專人追住餵麵包,又打開雪櫃拎益力多........ 試問我呢個阿爸尊嚴何在,以後仲使出黎行.......嬲到震呀!講完!」
晚上,在媽媽引導下,溍:「爸爸sorry」
溍爸心聲:「阿囝,你唔記得衰咩,但爸爸記得,所以今晚食左好多野,用飲食黎cool down,你再激我,我就再食比你睇,食到半夜3點幾仲食緊野,無你o既份,哼!!」
5 則留言:
玩到咁夜,意粉姨如果畀人嘈醒都會嬲到震呀 ~~~ :P
哈哈哈,爸爸真係嬲到震喎!
不過好似嬲婆婆多d喎,呵呵~
唔緊要啦,呢d野好正常,我都化晒囉~將來,如果我有幸抱孫,都一樣會種壞佢,教就梗係留俾佢爸爸媽媽攪啦~
前一排聽到既: 孫係"愛嚟種", 教就留番比爸爸媽媽!
意粉姨:已經鏟左好多個字先抱佢起身架,加哂時架喇!
christine:我無講名呀o下!
羲羲:但當種同教零delay,咁點教先得架!
婆婆因為沒有BLOG,不能夠公開表達感受,也讓我這個大姨反映下先:
唔怪之得個日婆婆返屋企後問我:「其實我
黎照顧溍溍,係咪阻住大雄和MAGARET呢 ?」
我話:「唔係,你好重要,你要負責照顧溍溍,教佢,如果唔係,佢地兩個點會咁放心去返工 ? 不過,你要教佢做個有用既人,要教佢有承擔,唔好俾佢做個試人底線,跟住唔駛承擔既人。」
永遠的話題:如何協調兩代之間對孩子的教養。
幸好,在我們這一家,這些場面算少了.....
養育孩子,真不易為。
努力啦,天下的父母。
發佈留言