25個月

25個月，可換算為兩歲零一個月了！高度無咩增長，重量越來越重，惹來爸媽投訴抱得手攰。

還有一星期就上學去了，但還未戒到片片，莫講話要企度vv仲未得，連去toilet要出聲o既特訓暫時都係時得時唔得，都係要交比幼兒園教掂佢喇。身邊的bb朋友的K1學位都大致塵埃落定，1月還有一個interview，我也應該放棄了。

trouble 2時期的我，行為上經常會大叫，又會扭計，又喜歡係度跳跳跳，特別是進入秩序敏感期，好多時為左一些東西一定係要咁而扭計，例如夜晚枝奶話左係要爸爸開，咁媽媽去開就唔得；又或者陪訓覺，媽媽係屋企就一定要搵媽媽陪，爸爸陪的話唔得，最多陪story time同陪訓前唱歌，唱完一首又一首。說話反應比之前快，好多時會突然講一些大人都唔記得幾時同我講過又或者係我面前講過的說話。例如有次坐MTR，爸爸抱著我，媽媽說你好高呀，會突然講出「媽媽你矮呀！」