無病無痛看醫生

噚日無病無痛，但爸媽還是帶了我去醫務所看高醫生。原來爸媽帶我去打季節性流感針，順便做健康檢查用來交給幼兒園的。好在我乖乖帶我口罩，事關去到診所有不少人，有些姨姨和哥哥咳咳又唔帶口罩，最厲害那個爸媽說樣貌出街一定比警察叔叔查的哥哥，咳到口水橫飛都唔掩咀，佢爸爸又唔理佢(唔理佢就咪鬼陪佢黎睇醫生喇！)，攪到爸媽和我，仲有幾個姨姨姐姐都閃哂出醫務所外等候，連在內的嬸嬸，都手巾掩咀坐埋一邊。
等左都差不多半小時，終於輪到我喇。因為幼兒園要交健康紀錄，所以要做檢查。查實都好簡單地問我叫做咩名，比d玩具我掂下睇我拎唔拎，再引我眼仔上上下下左左右右，檢查鼻鼻耳仔仲有牙齒生齊未。再之後睇下心肺，再睇睇身體就完成。但跟住落黎係......「嘩！嗚嗚....」兩行眼淚豆大的流下，直至醫生給我糖糖，大致一分鐘都唔知有無就收聲了！爸媽讚我乖乖。

左邊係流感針針紙，醫生說第一次打要1個月後打加強針一次，之後就唔使喇。右邊係要交返學校的健康紀錄，營養一項係good，其餘都係normal，可能係因為我食到big tummy？哈哈~~