48cm: 上學的第一天

2010年1月4日早上7時03分，鬧鐘響了3分鐘，有人伸完懶腰起身喇！梳洗程序於17分鐘後完成，早上7時20分早餐開動了！然後換校服，仲有爸爸完排的簡陃而隆重的開筆儀式。何謂開筆儀式，詳情可在網上找。但爸爸憑記憶小時開學讀書(即係都有30年前以上)會有描紅簿由大人握著手臨摹，基本上應有《千字文》(天地玄黃宇宙洪荒...)和《上大人孔乙己》，但爸爸只買到《上大人孔乙己》的描紅簿，還有大小楷的ABC copy book。由於爸爸買錯了一套名為「自來水毛筆」的套裝，以為係咩新發明用自來水就能寫出字來，原來「自來水」係枝毛筆造到好似鋼筆咁索完墨水係筆杆後能自能出墨水到筆頭.......由於無墨水，於是由媽媽拿著原子筆和我寫了ABCD作為開筆，第一次見到copy book有齊A~Z，實在吸引！另外，媽媽亦封了利是，爸爸送了Elmo文具set。

早上8時25分，吻別了Anna，講低「我返學喇！」就出發上學去！乘巴士1個站到美孚，去到學校附近撞到街坊 uu 姨，因為悠悠姐姐返9點，我新生返9點半，uu 姨已送了悠悠姐姐返學上班去了。然後到了平台，婆婆已經係度等著我了！進入學校，由校長分配了人生的第一張職員證，我被編入成為草莓組的社員，還有接送咭，就安排換鞋同埋將後備衫放入學校提供的袋入面放好。再等候了一會，入班房了！有10幾個同學坐係度，我和另一個新同學就坐側邊先，由於新生，爸媽就陪在後面。老師點名了，我隨即轉mode進入了觀察模式(溍爸註：溍溍每次見到新事物，都係定左落黎眼定定咁睇住，唔多郁的。)

9時30分，上堂喇！第一堂係英文堂，不過成堂唱歌而唔係教ABC o既？係9時30分至50分這20分鐘，共唱左Good Morning、Hello、ABC song、London brigde is falling down、Old Macdonald、This is the way to...brush my teeth/wash my face/wash my hands/drink my milk/ go to school....等。期間，我都有企出去(查實係比爸媽推出去)參與了唱London bridge is falling down。

9時50分至10時20分，就到遊玩時間，男的同學先玩車車，女的同學先玩滑梯。到10時05分就交換玩，期間同學和我也很熱情，爸媽話睇到我好多次推同學，又有次係爬毛毛蟲隧道時一手扯甩同學個mask。

10時20分，同學們去洗手間，我係新生可以落堂放學了！入了班房取新書包，入面仲有毛巾和杯，呢個時間，終於同屬於蘋果組的悠悠姐姐相遇了。再聽過老師和4個新生(包括我)講解返學放學接送問題後，背著新書包放學喇！(右下那個穿D-mop外套的同學，比我高，還有點技安feel，佢就係第一個向老師投訴我：「老師，佢推我呀！」的同學了。根據我個情報組爸爸收風，呢位同學又果真係有小霸王款的背景喎！

10時30分，放學回家去，今天帶著婆婆和姐姐一起，所以選擇行路帶她們暸解下附近環境。回家途中已經不停放蚊，食飯仲好好胃口添。爸媽就轉了去幼稚園給留位費，交費仲有月曆送，原來係校曆來的。黎緊3年半的幼兒園和幼稚園職場已經落實喇，下一個「上學的第一天」，將會係8月13日(星期五)。