上學的第九天

早餐胃口麻麻，甚至應該用「差」黎形容。食粉粉食得少，比埋奶奶都係，改食奶皇包仲嘔嘔添！卒之校褸只出現係以下張相果一刻，因為要洗喇！返學仍然係喊，而且隨住返學日子的增加，係距離學校越遠的地方出現扭計的情況，藉口離不開「去左果邊先啦！」、「玩多一陣先啦！」、「睇下果度先行啦！」
晚上，媽媽返工，爸爸八點左右放工回來，溍溍拿了提子包在吃，但又不蓋回放麵包的膠盒蓋，於是爸爸蓋上盒蓋，然後跟溍溍說：「你唔蓋返好盒蓋，會比蟲蟲入去食左d包包，咁溍溍就無得食喇！」點知......溍：「溍溍變成蟲蟲入去食哂佢！」——剛和大姨唱完《點蟲蟲》後的溍溍如是說。

以下係爸爸幫溍溍沖涼時探討返學問題時的對話

爸：「返學好唔好玩呀？」

溍：「唔好玩！」

爸：「返學開唔開心呀？」

溍：「唔開心！」

爸：「點解唔開心呀？」

溍：「喊囉！」

......