中午時份,先到樓下商場吃午飯,然後爸媽帶了我去香港公園。上一次去是三叔註冊的時候,但媽媽要返工,所以今次還是第一次跟爸媽一起去。第一件事,梗係玩水先喇!今日d水水好多好猛呀!
去到廣場,自從上次跟孻叔行過,今次自己半行半爬的上樓梯去,最後還登上頂峰,真大膽。
其間還看了花花水水魚魚鳥鳥,當然還少不了在兒童遊樂場玩。
玩到三點幾,去到香港公園體育館才換片片,爸爸聽到附近有些吆喝聲,原來那裡有人在學習劍道, 然後有人說:「溍溍都要學!」不經意地有人給爸爸「落毒」了!哈~~換好片片,跟東東同亞妹影個相才離開。
離開香港公園後便往聖約翰大教堂方向行,第一次參觀了教堂,然後途經終審法院,爸爸說要拍個照留念,因為過幾年便會搬到現在的立法會大樓去了。
從炮台里而下,在匯豐銀行總行見到很多姐姐,爸爸也說要在獅子前留影,不過假期日子,難免人影處處。本來打算去天星碼頭坐船過海,但習慣中午過後午睡的人撐到4點幾連黑眼圈都出來了,於是改坐巴士,好等訓返一覺。登上104隊道巴士,上車時還嚷著唔坐巴士要去搭船(咁都記得?!)的人,車到金鐘(即係轉左個彎咁耐)已睡著了!
大半個鐘後,巴士到達總站白田邨,有人訓到這一刻才醒,然後又給爸爸捉著要拍照留念,因為又過多幾年,這些屋邨相信又變哂了。
大半個鐘後,巴士到達總站白田邨,有人訓到這一刻才醒,然後又給爸爸捉著要拍照留念,因為又過多幾年,這些屋邨相信又變哂了。
然後的節目呢,去了b朗家,因為在名古屋買了點小手信,而萊叔又說意粉姨有手信托萊叔給我。這個抱哲朗的25個月vs5個月「造型照」實在有點「行」,事關有人只顧望著電視播緊的Sing Along,難為哲朗望鏡頭。
3 則留言:
小小意思啫 ~~ ^^
溍溍同 b朗好啱 key ~~ ^^
唔講唔知張相係合成喎~
溍溍返過學係唔同d既~
意粉,呢頭比你講完,果頭有人投訴喇!
萊,因為唔係左邊郁左,就係右邊郁左,嬲嬲地合併黎好睇嘛!唱ABC拍手搖頭同返學無關喎,返學前都係咁架,返學兩星期學識左向老師鞠躬問好咋,臨走時果野先係學返黎咋。
發佈留言