(手機片段畫面)由於媽媽返完夜，今朝第二日由爸爸帶返學，起身梳洗食早餐大致ok，還趕及及9點前已到學校。但逐步由校門前喊和表現唔願意進入學校、推移到校外平台(噚日)，今日已在未上平台的梯已經話「睇下果邊先喇」咁唔多願上平台。今日上到平台撞見悠悠，諗住有個model跟住入可以無事無幹，點知未到門口就喊住要走，卒之老師叫爸爸陪入去換埋鞋先，不過最後換換下鞋又喊，都係要轉手比司徒老師攪掂。
小插曲：話說今日坐紅頂van，爸爸給溍溍3蚊(1個1蚊1個2蚊)，落車時一次過放到溍溍左手，請溍溍交比司機叔叔，點知爸爸發現溍溍左手放落司機叔叔手時只得1蚊，原來溍溍已將2蚊轉到右手。好在爸爸發現得快，唔係實比司機叔叔炳。落車後爸爸問溍溍，點解你頭先剩係比1蚊比司機叔叔呀？溍溍答：「司機叔叔要1蚊，溍溍要2蚊」.......
7 則留言:
點解啲小朋友番學係都要喊喊嫁呢？
呢個問題呢，可以要舉行小朋友公投先知答案喎！
笑史我喇.....
佢收埋O個兩蚊雞~~
溍溍，意粉姨姨有袋東瀛手信送俾你，你叫你爸爸依幾日搵時間去萊叔叔度拎啦~
係喎，萊叔，牙擦擦都未比你喎！聽晚8-9點又如何？
聽晚(六)出街，後日(日)就成日都晌屋企。
細路仔返學，會喊，其實咪同我地返工一樣，想扮病，一樣心理---有得唔駛返緊係唔返，無得選囉，入左門口後，咪又要面對現實囉。
發佈留言