機場二號客運站+hair cut

2010年1月1日，爸媽都放假，是日早餐係麥當當(查實係我第二餐早餐喇！)
食飽唔知去邊，卒之係我訓著左之後比人推左去東涌，仲一訓醒就去買左件型仔褸。食過午飯後，出去水池正在噴水，這次第三次經過這個水池，但之前兩次分別係訓著左同好眼訓，今次精精神神行埋去準備玩玩，點知......唔夠半分鐘剛好噴水完畢，那只好在wet floor上run run run自娛一陣聊勝於無喇！

跟住坐巴士去了機場，先逛了一圈上次坐飛機時無時間行的一號客運大樓，仲有小丑哥哥係度派飛機筆筆，我仲得到紅色和綠色各一枝添。然後行去二號客運大樓，上次坐車返屋企都經過，就係聽聞話有野睇下行下，於是目的地就係呢度喇。先黎有視覺畫，I'm falling.......然後有至愛的扭蛋，仲要係大量添！

由於攰攰，逛埋航空探知館就回程了！

因為要去剪頭髮！這次是第三次剪頭髮，同一間saloon同一個哥哥幫我剪，但今次呢......喊到眼淚鼻涕口水都出哂黎，最爽就係對面一向無咩生意的糖水舖，係入面食緊糖水的哥哥姐姐有特別表演睇。最好笑係剪剪下有個姐姐同一班朋友行過，見我喊到嗚嗚嗚......佢停左係度仲向朋友要來波子汽水糖請我食，可惜正在情緒最高漲忙住喊o既時候，所以糖都係比爸爸食左。

到剪完頭髮，爸爸將哥哥送的迷你珍寶珠(可樂味)請我吃，即刻兩個樣，仲禮貌地多謝哥哥添！(爸爸就因為比左$，櫃台個姐姐都多謝佢！) 剪髮之前點o既樣，睇返第一張相喇！