1月的最後一個星期天

返學已經一個月喇，到放假梗係relax下喇！星期日早上食完我個早餐落樓陪爸媽食麥當當早餐，然後回到平台玩玩，而家玩滑梯都自己黎喇。
仲有吹bubbles，不過通常一吹就起哄，總有小朋友過黎撲架喇，而有d又好黏身架嘛，通常呢個時間就見到有"阿邊個"小朋友推人喇！~
臨近午飯時間，返上樓睇DVD，點知有人話睇果隻上次睇睇下唔敢睇o既《From conception to birth》(Discovery Channel出品，係"阿邊個"出世前買的)。時光飛逝，兩年幾前係新手爸媽買黎參考睇的，而家果個人仔自己拎remote黎睇囉！
睇左陣，趁食飯前將買左返黎一段時間，但氣溫不夾而未開齋o既魔法豆(即係種粒豆出黎，上面會有d公仔出現果款)進行"開光儀式"，以後要照顧兩盆植物喇！整完就到食飯時間喇！
附錄：話說今日玩滑梯時，爸爸冒著被撞的危險係滑梯底用相機影了連環快拍相片，呢張睇下"阿邊個"個樣幾驚咁，查實無隔幾多秒鐘就滑完，已經哈哈哈哈喇！
再做了些效果圖，很有趣吧！