講飲講食

2008年5月5日，我第一次嘗試食米糊，至今試了一星期，暫時只係食到3-4匙左右，同有1-2次嘔突的記錄。媽媽說會繼續嘗試多一段時間，睇下掂唔掂。

話說回來，由我出世開始，我至今吃過入口的有母乳、醫院的牛欄牌奶奶(卒之食到出院那一晚，特地買了一罐回家，不過只吃了一餐)，仲有爸媽為我準備的和光堂細仔奶奶。去到4個月，因為爸爸早前買了盒和光堂的蘋果汁，於是媽媽又嘗試過比我飲，不過每次只試20-30ml左右，以免影響正餐。

如果我試得成米糊，我諗爸媽會比更多好味道的食物我食，諗起都流口水呢！:D~~

和光堂的細仔奶粉(我日常食930g一罐的，這幾盒是最近一次訂貨時叫做送的)

這是和光堂的蘋果汁，2個月以上可以食得。

和光堂的米糊，5個月食得；另有BB燒餅，都係和光堂出品，6個月食得。

細細聲講，查實媽媽先幾日比我黏過少少banana添！哈哈~~